| کهڅه هم د جمعې په ورځ(د تلې په ۲۳)له ۴۰ جهادي او سیاسي مشرانو سره د سلامشورې په غونډه کې چې د امنیتي،ټاکنیزو اصلاحاتو،له اداري فساد سره د مبارزې، په حکومت کې د اصلاحاتو د راوستو او د سولې د هڅو په اړه یې سلامشورې وکړې.بلخوا د دغه ناستې یو شمېر نور ګډونوال وايي چې حکومت تل له سیاسي او جهادي مشرانوسره سلامشورې کوي خو پر هغې عمل نه کوي.د امنیتي، سیاسي او اقتصادي مسایلو په اړه د ولسمشر غني د مشورو په دوام، له پخواني ولسمشره نیولې سیاسي، جهادي او نور شخصیتونه ولسمشرۍ ماڼۍ ته راغلي دي.د دې غونډې یوشمېر ګډونوال وايي چې ولسمشر په دې غونډه کې د جګړې دمدیریت، د سولې دهڅو، له اداري فساد سره د مبارزې، په ټاکنو د کې د اصلاحاتو راوړو او نورو مسلو مشورې وکړې.د سولې د عالي شورا مشرتابه غړي محمد امین وقاد څرګنده کړه:«په دې اړه ټینګار شوی دی چې د جګړې د غوره مدیریت او د امنیتي ځواکونو د ستاینې ترڅنګ،دولت او امنیتي شورا د سولې د خبرو اترو لپاره،ډېرې هڅې وکړي.داسې وړاندیز وشو چې دغه غونډې په دوامدرار او له روښانه اجنډاو سره د هرې موضوع په اړه جوړې شي.»په دې لړ کې له اداري فساد سره مبارزه او د فسادو کسانو محاکمه کول د یادې غونډې د ګډونوالو بله مهمه غوښتنه وه چې مطرح شوه.د اسلامي حراست د ګوند مشر محمد اکبري په دې اړه وویل:«یو له وړاندیزونو څخه دا وه چې له اداري فساد سره مبارزه باید له لوړپوړو څخه پیل شي،ځکه کهچېرې له لوړپوړو پیل شي پر ټيټو کچو یې اغېزه به یې پراخه وي،کهچېرې له ټیټې کچې پیل شي،دغه سمونې به لږ او ناچیزې وي.»خو یوشمېر نور بیا د داشان غونډو پایلو ته هیله من نه دي.د جبهه نوین ملي افغانستان ګوند مشر انوارالحق احدي بیا داسې وايي:«زموږ وړاندیز دا وه چې د سیاستوالو او حکومت ترمنځ باید جدي بحث ولرو،یو داسې بحث چې هر کس نوبت واخلي او یو څو جملې ووايي او حکومت یې واوري،خو استدلال ونه کړي.موږ غواړو چې د حکومت او سیاستوالو ترمنځ یو بحث وي ترڅو وتوانېږو چې د ستونزې حل ته ورسېږو.»تر دې وړاندې هم ولسمشر کابو ۳۰ ځلې د سولې د بهیر، سیاسي او امنیتي مسایلو په اړه له سیاسي او جهادي مشرانو سره مشورې کړې وې، خو کارپوهان په دې باور دي چې د ملي یووالي حکومت په تېرو دوه کلونو کې په هېواد کې په سیاسي او امنیتي مدیریت کې ناکام وو. |  |
↧
د ملي مسایلو په اړه له سیاسي او جهادي مشرانو سره د ولسمشر سلامشورې
↧