| د غوراوي کمېټې غړو نن مازدیګر د افغانستان د اسلامي جمهوریت جمهور رئیس محمد اشرف غني سره په کتنه کې د ټاکنیزو کمیسیونونو وروستی نوملړ جمهور رئیس غني ته وسپاره. په دې کتنه کې چې په ارګ کې ترسره شوه، د غوراوي کمېټې پر غړو سربېره د جمهور رئیس دویم مرستیال محمد سرور دانش، اجرائیه رئیس ډاکټر عبدالله عبدالله، لوی څارنوال فرید حمیدي او د افغانستان لپاره د ملګرو ملتونو سازمان د سرمنشي ځانګړي استازي تادامیچي یاماموتو هم حضور درلود. جمهور رئیس په پوره دقت او شفافیت د ټاکنیزو کمیسیونونو د نوماندانو نوملړ د نهایي کولو له امله د غوراوي کمېټې د غړو قدرداني وکړه. جمهور رئیس غني ټینګار وکړ، چې د ټاکنیزو کمیسیونونو غړي به له دغه نوملړ څخه په پوره دقت او شفافیت انتخاب شي. هغه د ټاکنیزو کمیسیونونو د نوماندانو د نوملړ نهایي کول د ټاکنو د ترسره کېدو پړاو ته د رسېدو لپاره یو مهم ګام وباله. یو ځل بیا یې په دې برخه کې د غوراوي کمېټې د غړو صادقانه هلې ځلې وستایلې.# |  |
↧
غوراوي کمېټې د ټاکنیزو کمیسیونونو د نوماندانو وروستی نوملړ جمهور رئیس غني ته وسپاره
↧