| د آوا په ګزارش سره، اوسیدونکی وایی: که څه هم ویل سوی دی چی دا تابلتونه د وینی کموالی او د بدن د چینجیو د منځه وړنی لپاره زده کوونکو ته ورکول کیږی خو هغه وخت چی د انجونو څخه غوښتل کیږی چی ددی تابلتونو پوښونه وزارت معارف ته د استولو لپاره مدرسه ته تحویل کړی، اندیښمندوونکی دی. احمدضیا ددی تابلتونو د ویش څخه اندیښنی ترڅنګ داسی وایی؛ احتمال لری چی دا تابلتونه د هغوی د انجونو عقیم کولو او یا عیاش او مست کولو لپاره هغوی ته وویښل سی. په همدی حال کی شکریه یو د معلمینو څخه چی د تابلتونو په اړه د پوهی ورکولو په سیمینار کی شرکت کړی دی د آوا و خبرنګار ته وویل: د سیمینار په جریان کی موږ ته توضیح ورکړل سوی وو چی دا تابلتونه دوینی کموالی او د چینجیانو د منځه وړنی لپاره انجونو ته ښه دی چی باید په مکاتبو کی ورته وویښل سی او نورددی تابلتونو د پردی ترشا خبرو څخه اطلاع نه لرم. خو عابد عابد؛ د غزنی معارف مشر وایی چی دا تابلتونه او ګولی د وینی کموالی او چینجیانو دمنځه وړنی لپاره ګټور دی او ددی لپاره چی انجونی صحی مرکزونو ته لاسرسی نه لری دا تابلتونه یواځی اناث طبقی ته ورکول کیږی. |  |
↧
د غزنی اوسیدونکو اندیښنی په ښځینه مدارسو کی د تابلتونو ویښ څخه
↧